ಅಪರಾಧಿಗೆ 20 ವರ್ಷ ಜೈಲು ಶಿಕ್ಷೆ

ಕಾರವಾರ ;

ಅಪ್ರಾಪ್ತೆಯ ಮೇಲೆ ಲೈಂಗಿಕ ದೌರ್ಜನ್ಯವೆಸಗಿದ ಅಪರಾಧಿಗೆ ಜೈಲು ಶಿಕ್ಷೆ ಹಾಗೂ 50 ಸಾವಿರ ರು ದಂಡ ವಿಧಿಸಿ ಇಲ್ಲಿನ ವಿಶೇಷ ಜಿಲ್ಲಾ ಮತ್ತು    ಸೆಷನ್ಸ್ ನ್ಯಾಯಾಲಯ ತೀರ್ಪು ನೀಡಿದೆ. ಕಾರವಾರದ ಕೋಡಿ ಭಾಗದ ಸಾಯಿ ಕಟ್ಟ ಅನಿವಾಸಿ ವಿನೋದ್ ಬಾಬನಿ ನಾಯ್ಕ ಶಿಕ್ಷೆಗೊಳಗಾದ   ಅಪರಾಧಿ.

2019 ರ ಜುಲೈನಲ್ಲಿ ತನ್ನ ಮನೆಯ ಸಮೀಪ ಕೂಲಿ ಕೆಲಸ ಮಾಡುವ ಬಾಲಕಿಗೆ  ಚಾಕಲೇಟ್ ಆಸೆ ತೋರಿಸಿ ಊಟ ಮಾಡಿಸಿ  ಲೈಂಗಿಕ ದೌರ್ಜನ್ಯವೆಸಗಿದ. ಪಾಲಕರು ದೂರು ನೀಡಿದ್ದರು. ಆಗಿನ ಡಿವೈಎಸ್ಪಿ ಶಂಕರ್ ಮಾರಿಹಾಳ ತನಿಖೆ ನಡೆಸಿ   ದೋಷಾರೋಪಣೆ ಪಟ್ಟಿ ಸಲ್ಲಿಸಿದ್ದರು. ವಿಚಾರಣೆ ನಡೆಸಿದ ಜಿಲ್ಲಾ ಮತ್ತು ಸೆಷನ್ಸ್ ನ್ಯಾಯಾಲಯದ ವಿಶೇಷ ನ್ಯಾಯಾಧೀಶ ಶಿವಾಜಿ ನೆಲವಡೆ ಶಿಕ್ಷೆ ಪ್ರಕಟಿಸಿದ್ದಾರೆ.