ನದಿಯಲ್ಲಿ ತೇಲುತ್ತಿದ್ದ ಸೂಟಕೇಸ್ ತೆರೆದು ನೋಡಿ ಕಂಗಾಲಾದ ಮೀನುಗಾರ

ಬ್ಯಾಂಕಾಕ್​: ಕೇಂದ್ರ ಥಾಯ್ಲೆಂಡ್​ನ ಕಂಪೇಂಗ್ ಫೆಟ್​ನಲ್ಲಿರುವ ಪಿಂಗ್​ ನದಿಯಲ್ಲಿ ಮಿನುಗಾರಿಕೆಗೆ ತೆರಳಿದ್ದ ಮಿನುಗಾರನಿಗೆ ತೇಲುತ್ತಿದ್ದ ಕಪ್ಪು ಬಣ್ಣದ ಸೂಟ್​ಕೇಸ್​ಕಂಡಿದ್ದು ಅದನ್ನು ತೆರೆದು ನೋಡಿ ಆತ ಸುಸ್ತಾಗಿದ್ದಾನೆ.

ಈ ಸೂಟಕೆಸ್ ನಲ್ಲಿ ಯಾವುದೇ ವಸ್ತುಗಳಿರದೇ ವ್ಯಕ್ತಿಯ ದೇಹವೊಂದು ಪತ್ತೆಯಾಗಿದ್ದು ಮೃತನನ್ನು ವಾಂಗ್​ ಜುನ್​ ಎಂದು ಗುರುತಿಸಲಾಗಿದೆ.

ಇದು ಕೊಲೆ ಎಂದು ಶಂಕಿಸಲಾಗಿದ್ದು, ವಾಂಗ್​ ಜುನ್​ ಪತ್ನಿ ಜುಹಾ ಬಿಂಗ್​(28) ಕೂಡ ಸಾವಿಗೀಡಾಗಿದ್ದಾಳೆ ಎಂದು ತಿಳಿದುಬಂದಿದೆ.
ಚೀನಾದ ಯುವ ದಂಪತಿಯ ಕೈಕಾಲು ಕಟ್ಟಿ ಜೀವಂತವಾಗಿ ಸೂಟ್​ಕೇಸ್​ ಒಳಗಡೆ ಹಾಕಿ ನದಿಗೆ ಎಸೆದಿರುವುದಾಗಿ ಥಾಯ್ಲೆಂಡ್​ ಪೊಲೀಸರು ತಿಳಿಸಿದ್ದಾರೆ.

ಪತ್ನಿಯ ದೇಹಕ್ಕಾಗಿ ಪೊಲೀಸರು ಶೋಧಕಾರ್ಯ ಕೈಗೊಂಡಿದ್ದಾರೆ. ಮತ್ತೊಂದು ಸೂಟ್​ಕೇಸ್​​ನಲ್ಲಿ ಆಕೆಯನ್ನು ನೀರಿಗೆ ಎಸೆದಿರುವ ಶಂಕೆ ವ್ಯಕ್ತವಾಗಿದೆ..

ಮೃತ ದಂಪತಿಯು ಇತರೆ 13 ಚೀನಾದ ಪ್ರವಾಸಿಗರೊಂದಿಗೆ ಫೆ. 12ರಂದು ಬ್ಯಾಂಕಾಕ್​ಗೆ ಆಗಮಿಸಿದ್ದರು.​ ಬಳಿಕ ಪಟ್ಟಾಯದಲ್ಲಿ ಮನೆಯೊಂದನ್ನು ಬಾಡಿಗೆ ಪಡೆದು ವಾಸವಿದ್ದರು. ಪ್ರವಾಸಕ್ಕೆ ಮುಗಿಸಿ ಇನ್ನುಳಿದ ಚೀನಾ ಪ್ರವಾಸಿಗರು ಈಗಾಗಲೇ ತವರಿಗೆ ಮರಳಿದ್ದಾರೆ. ಆದರೆ, ದಂಪತಿ ಮಾತ್ರ ಹಿಂದಿರುಗಿರಲಿಲ್ಲ. ಹೀಗಾಗಿ ನಾಪತ್ತೆ ಪ್ರಕರಣ ದಾಖಲಾಗಿತ್ತು