ಉದ್ಯಮಿಯ ಜಿ ಎಸ್ ಟಿ ಖಾತೆ ಹ್ಯಾಕ್; ಎಫ್ಐಆರ್ ದಾಖಲು

ಬೆಂಗಳೂರು ;

ಬ್ಯಾಂಕಿಂಗ್ ಸಾಮಾಜಿಕ ಜಾಲತಾಣ ಓಎಲ್ಎಕ್ಸ್ ಸೇರಿ  ಹಲವು ಮಾರ್ಗದಲ್ಲಿ ಸೈಬರ್ ಅಪರಾಧ ಎಸಗುತ್ತಿರುವ ವಂಚಕರು, ಇದೀಗ ಕೇಂದ್ರ ಸರ್ಕಾರದ   ಜಿ ಎಸ್ ಟಿ ( ಸರಕು ಮತ್ತು ಸೇವಾ ತೆರಿಗೆ) ಜಾಲತಾಣದ ಮೇಲೂ ಕಣ್ಣು ಹಾಕಿದ್ದಾರೆ. ನಗರದ ಉದ್ಯೋಗಿಯೊಬ್ಬರು ಜಿ ಎಸ್ ಟಿ ಮರುಪಾವತಿ  ಮಾಡಲು www.gst.gov.in ಜಾಲತಾಣದಲ್ಲಿ ತೆರೆದಿದ್ದ   ಖಾತೆಯನ್ನು  ಖದಿಮರು ಹ್ಯಾಕ್ ಮಾಡಿದ್ದಾರೆ.   ಈ ಬಗ್ಗೆ ನಗರದ ಪಶ್ಚಿಮ ವಿಭಾಗದ ಸೈಬರ್ ಕ್ರೈಂ ಠಾಣೆಯಲ್ಲಿ  ಎಫ್ಐಆರ್ ದಾಖಲಾಗಿದೆ.

ಮೈಸೂರು ರಸ್ತೆಯ ಕುವೆಂಪುನಗರದ ಉದ್ಯಮಿ ಸುರೇಶ್  ಜೈನ್ ಎಂಬುವವರ ಖಾತೆಯನ್ನು ( 29awhp*****zo) ವಂಚಕರು ಹ್ಯಾಕ್ ಮಾಡಿದ್ದಾರೆ. ಪ್ರಸ್ತಕ ವರ್ಷದ ಜಿ ಎಸ್ ಟಿ ಮರುಪಾವತಿ ಮಾಡುವಾಗ ಈ ಕೃತ್ಯ ಬೆಳಕಿಗೆ ಬಂದಿದೆ. ದೂರು ನೀಡಿರುವ ಸುರೇಶ್ ಜೈನ್ ಹ್ಯಾಕ್ ಮಾಡಿರುವ ಆರೋಪಿಗಳನ್ನು ಪತ್ತೆ ಮಾಡುವಂತೆ ಕೋರಿದ್ದಾರೆ ಎಂದು ಪೊಲೀಸ್ ಮೂಲಗಳು ಹೇಳಿವೆ. 

ಜಾಲತಾಣ ನಿರ್ವಹಣೆ ಗಾರರಿಗೆ ಪತ್ರ,:

ಜಿ ಎಸ್ ಟಿ ಖಾತೆ ಹ್ಯಾಕ್ ಸಂಬಂಧ ನಗರದಲ್ಲಿ ದಾಖಲಾದ ಮೊದಲ ಪ್ರಕರಣ ಇದಾಗಿದೆ.gst ಜಾಲತಾಣ ಮೇಲೆ ವಂಚಕರ ಕಣ್ಣು ಬಿದ್ದಿರುವುದು ಗಂಭೀರವಾಗಿ ಪರಿಗಣಿಸುವುದಾಗಿ ಹೇಳಿರುವ. ಪೂರ್ವ ವಿಭಾಗದ ಸೈಬರ್ ಕ್ರೈಂ ಪೊಲೀಸರು ಸಿಐಡಿ ಸೈಬರ್ ವಿಭಾಗದ ಅಧಿಕಾರಿಗಳ ಸಹ ಕಾರದಲ್ಲಿ ತನಿಖೆ ಚುರುಕುಗೊಳಿಸಿದೆ.  ಜಿ ಎಸ್ ಟಿ  ಜಾಲತಾಣ ನಿರ್ವಾಹಕರು ಹಿರಿಯ ಅಧಿಕಾರಿಗಳ ಮೂಲಕ ಪತ್ರ ಬರೆದಿರುವ ಪೊಲೀಸರು  ಜಿ ಎಸ್ ಟಿ  ಖಾತೆ ಹ್ಯಾಕ್ ಮಾಡಿರುವ ಬಗ್ಗೆ ಪರಿಶೀಲನೆ ನಡೆಸಿ ಆರೋಪಿಗಳ ಬಗ್ಗೆ ಏನಾದರೂ    ಸುಳಿವು ಇದ್ದರೆ ವರದಿ ನೀಡಿ  ಎಂದು ಕೋರಿದ್ದಾರೆ.

 ಪರಿಚಯಸ್ಥ ರಿಂದ  ಕೃತ್ಯ ಶಂಕೆ: ಕೆಲವರ್ಷಗಳ ಹಿಂದೆಯೇ gst   ಖಾತೆ    ತೆರೆದಿದ್ದ  ಸುರೇಶ, ಜಿ ಎಸ್ ಟಿ ಮರುಪಾವತಿ ಮಾಡುತ್ತಿದ್ದರು ಖಾತೆ ತೆರೆಯಲು ಅಗತ್ಯವಿರುವ ಯೂಸರ್ ನೇಮ್ ಹಾಗೂ ಪಾಸ್ವರ್ಡ್ ಅವರ ಬಳಿ ಇತ್ತು ಆ ಮಾಹಿತಿ ತಿಳಿದುಕೊಂಡು ಪರಿಚಯಸ್ಥರೇ ಖಾತೆ ತೆರೆದು ಯೂಸರ್ ಹಾಗೂ ಪಾಸ್ವರ್ಡ್ ಬದಲಾಯಿಸಿರುವ ಮಾಹಿತಿ ಇದೆ.    ಈ ರೀತಿ ಕೃತ್ಯ ವಾದರೂ    ಹ್ಯಾಕ್    ಎಂದೆ ಪರಿಗಣಿಸಲಾಗುವುದು  . ಈ ಸಂಬಂಧ ಹಲವರನ್ನು ವಿಚಾರಣೆ ನಡೆಸಲಾಗಿದೆ ಸದ್ಯಕ್ಕೆ ನಿಖರ ಮಾಹಿತಿ ಸಿಕ್ಕಿಲ್ಲ ಎಂದು ಪೊಲೀಸ್ ಮೂಲಗಳು ಹೇಳಿವೆ .

 ಜಿ ಎಸ್ ಟಿ ಜಾಲತಾಣ ಸುರಕ್ಷಿತ;
 ಜಿ ಎಸ್ ಟಿ ಜಾಲತಾಣ ಸುರಕ್ಷಿತವಾಗಿ ಇರುವುದಾಗಿ ಅದರ ನಿರ್ವಾಹಕರು ಹೇಳಿದ್ದಾರೆ. ದೂರುದಾರ ಸುರೇಶ್ ಅವರ ವೈಯಕ್ತಿಕ ಖಾತೆ ಮಾತ್ರ ಹ್ಯಾಕ್ ಆಗಿದ್ದು ಅದರಿಂದ ಯಾವುದೇ   ನಷ್ಟವಾಗಲಿಲ್ಲ. ಜಿ ಎಸ್ ಟಿ ಮರುಪಾವತಿಗೆ ಮಾತ್ರ ಸಮಸ್ಯೆಯಾಗಿದೆ. ಎಂದು ಪೊಲೀಸ್ ಅಧಿಕಾರಿಯೊಬ್ಬರು ಹೇಳಿದರು. ಖಾತೆ ಹ್ಯಾಕ್ ಮಾಡುವುದು ಗಂಭೀರ ಅಪರಾಧ ಆರೋಪಿಗಳು ಯಾರು ಎಂಬುದು ಪತ್ತೆ ಮಾಡಿ ಕಠಿಣ ಕಾನೂನು ಕ್ರಮ ಜರುಗಿಸಲಾಗುವುದು ಎಂದು ತಿಳಿಸಿದರು .