ಹಳಿಯಾಳ : ದಾಖಲೆ ಇಲ್ಲದೆ ಬೈಕ್ಗಳಲ್ಲಿ ಸಾಗಿಸಲಾಗುತ್ತಿದ್ದ ಸುಮಾರು 90 ಸಾವಿರ ರೂ. ಬೆಲೆ ಸೀರೆ ಹಾಗೂ ಬಟ್ಟೆ ಉಡುಪುಗಳನ್ನು (ಫ್ಲೆಯಿಂಗ್ ಸ್ಕ್ವಾಡ್) ಸಂಚಾರಿ ಚುನಾವಣಾಧಿಕಾರಿಗಳು ವಶಪಡಿಸಿಕೊಂಡಿರುವ ಘಟನೆ ತಾಲೂಕಿನ ಕಾವಲವಾಡ ಚೆಕ್ಪೊಸ್ಟ್ ಬಳಿ ನಡೆದಿದೆ. ಹಳಿಯಾಳದಿಂದ ಕಲಘಟಗಿ ಮಾರ್ಗವಾಗಿ ಹೊಗುವ ರಾಜ್ಯ ಹೆದ್ದಾರಿಯ ಹಳಿಯಾಳ ವಿಧಾನಸಭಾ ಕ್ಷೇತ್ರದ ಗಡಿ ಹಾಗೂ ತಾಲೂಕಿನ ಗಡಿಯಾದ ಕಾವಲವಾಡ ಚೆಕ್ಪೊಸ್ಟ್ ಬಳಿ ತಪಾಸಣೆ ನಡೆಸಿದ ಅಧಿಕಾರಿ ದಿಲಿಪ್ ನೇತೃತ್ವದ ತಂಡಕ್ಕೆ ಬೈಕ್ಗಳಲ್ಲಿ ಸಾಗಿಸಲಾಗುತ್ತಿದ್ದ 92 ಸೀರೆಗಳು, 4 ಪ್ಯಾಂಟ್ ಪೀಸ್, 4 ಶರ್ಟ ಪೀಸ್, 190 ಡ್ರೇಸ್ ಮಟಿರಿಯಲ್(ಬಟ್ಟೆ ಉಡುಪುಗಳು)ಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಈ ಕುರಿತು ಹಳಿಯಾಳ ಪೋಲಿಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಚುನಾವಣೆ ಹಿನ್ನೆಲೆಯಲ್ಲಿ ಹಿಡಿದ ಮೊದಲ ಪ್ರಕರಣ ಇದಾಗಿದೆ.
Leave a Comment