ಹಳಿಯಾಳ ಹಬ್ಬಕ್ಕೆ ಕ್ಷಣಗಣನೆ ದಿ.9 ಕ್ಕೆ ಚಾಲನೆ ದಿ.10 ರಂದು ಮುಕ್ತಾಯ 2 ದಿನಗಳ ಕಾಲ ಹಳಿಯಾಳದಲ್ಲಿ ಭರಪೂರ ಮನರಂಜನೆಗೆ ವಿ.ಆರ್.ಡಿಎಮ್ ಟ್ರಸ್ಟ್ ಸನ್ನದ್ದ- ಆಡಳಿತಾಧಿಕಾರಿ ಪ್ರಕಾಶ ಪ್ರಭು.

ಹಳಿಯಾಳ: ಸ್ಥಳೀಯ ಉದಯೋನ್ಮುಖ ಪ್ರತಿಭೆಗಳಿಗೆ, ಕಲಾವಿದರುಗಳಿಗೆ ವಿಶೇಷ ಅವಕಾಶಗಳ ವೇದಿಕೆಗಳನ್ನು ನಿರ್ಮಿಸಿಕೊಡಲು ಮತ್ತು ಈ ಭಾಗದ ಜೀವಂತ ಕಲೆಗಳಿಗೆ ಪ್ರೋತ್ಸಾಹ ನೀಡುವ ಉದ್ದೇಶದಿಂದ ವಿ.ಆರ್.ದೇಶಪಾಂಡೆ ಮೆಮೋರಿಯಲ್ ಟ್ರಸ್ಟ ವತಿಯಿಂದ ಪ್ರತಿ ವರ್ಷದಂತೆ ಈ ವರ್ಷವೂ ಕೂಡ ‘ಹಳಿಯಾಳ ಹಬ್ಬ’ ವನ್ನು ಫೆ.9 ಹಾಗೂ 10 ರಂದು ವೈಶಿಷ್ಟ್ಯಪೂರ್ಣವಾಗಿ ಆಚರಿಸಲು ಸಕಲ ಸಿದ್ದತೆಗಳು ನಡೆದಿವೆ ಎಂದು ಟ್ರಸ್ಟನ ಆಡಳಿತಾಧಿಕಾರಿ ಪ್ರಕಾಶ ಪ್ರಭು ತಿಳಿಸಿದ್ದಾರೆ.
ರುಡಸೆಟ್ ಭವನದಲ್ಲಿ ಸುದ್ದಿಗೊಷ್ಠಿಯಲ್ಲಿ ವಿಷಯ ತಿಳಿಸಿದ ಅವರು ಸಂಪೂರ್ಣ ಸ್ಪರ್ದೆಗಳ ಬಗ್ಗೆ ವಿವರಿಸಿದರು.
ಸ್ಪರ್ಧೆಗಳು :- ಫೆ.9 ರಂದು ಮೊದಲ ದಿನ ಬೆಳಿಗ್ಗೆ 8 ಗಂಟೆಗೆ ವಿವಿಧ ಧಾರ್ಮಿಕ ಶೃದ್ದಾ ಕೇಂದ್ರಗಳಿಂದ ಜ್ಯೋತಿ ತರುವುದರ ಮೂಲಕ ಹಬ್ಬಕ್ಕೆ ಚಾಲನೆ. 8.30ರಿಂದ 10ಗಂಟೆ ಶಿವಾಜಿ ಮೈದಾನದಲ್ಲಿ ಹಿರಿಯ ನಾಗರಿಕರಿಗಾಗಿ ವಿವಿಧ ಸ್ಪರ್ಧೆಗಳು. ಬೆಳಿಗ್ಗೆ 10ರಿಂದ 11ಗಂಟೆ ಮಿಲಾಗ್ರಿಸ್ ಸಮುದಾಯ ಭವನದಲ್ಲಿ ಹೇರ್ ಸ್ಟೈಲ್ ಸ್ಪರ್ದೆ. ಇದೆ ಸಮಯದಲ್ಲಿ ಕಾರ್ಮೇಲ್ ಶಾಲೆಯಲ್ಲಿ ಪೂಜಾ ಥಾಲಿ ಸ್ಪರ್ದೆ. ಕಾಲೇಜು ವಿದ್ಯಾರ್ಥಿಗಳಿಗಾಗಿ 11ರಿಂದ 11 ಗಂಟೆಯವರೆಗೆ ದೇಶಪಾಂಡೆ ಐಟಿಐ ಕಾಲೇಜಿನಲ್ಲಿ ರಸಪ್ರಶ್ನೆ ಸ್ಪರ್ದೆ. ಮಿಲಾಗ್ರಿಸ್ ಭವನದಲ್ಲಿ ಮಧ್ಯಾಹ್ನ 2ರಿಂದ3 ಮಹಿಳೆಯರಿಗಾಗಿ ಮೆಹಂದಿ ಹಚ್ಚುವ ಸ್ಪರ್ಧೆ ಇದೆ ಸಮಯದಲ್ಲಿ ಕಾರ್ಮೇಲ್ ಶಾಲೆಯಲ್ಲಿ ತರಕಾರಿ ಕೆತ್ತನೆ ಸ್ಪರ್ದೆ.
ಎರಡನೆ ದಿನ ಫೆ.10 ರಂದು ಬೆಳಿಗ್ಗೆ 7.30ರಿಂದ ಮನೆ ಮನೆ ರಂಗೋಲಿ ಸ್ಪರ್ದೆ, ಬೆಳಿಗ್ಗೆ 10.30ರಿಂದ ವಲ್ಲಭಭಾಯಿ ಗಾರ್ಡನ್, ಮರಡಿಗುಡ್ಡ ಉದ್ಯಾನವನ ಹಾಗೂ ವಿವಿಡಿಎಸ್ ಶಾಲೆಯಲ್ಲಿ ವಿವಿಧ ವಿಭಾಗಗಳ ಶಾಲಾ ಮಕ್ಕಳಿಗಾಗಿ ಚಿತ್ರಕಲಾ ಸ್ಪರ್ದೆ.
ಬೆಳಿಗ್ಗೆ 10ರಿಂದ ಶಿವಾಜಿ ಕಾಲೇಜು ಮೈದಾನದಲ್ಲಿ ಮಹಿಳೆಯರಿಗಾಗಿ ನಿಧಾನಗತಿಯ ಮೊಪೆಡ್ ರೇಸ್.

.
ಆಸಕ್ತ ಸ್ಪರ್ಧಾಳುಗಳು ತಮ್ಮ ಹೆಸರನ್ನು ಮೊಬೈಲ್ ನಂ.: 9986020262 ಗೆ ನೋಂದಾಯಿಸಿಕೊಳ್ಳುವಂತೆ ಪ್ರಕಾಶ ಪ್ರಭು ತಿಳಿಸಿದ್ದಾರೆ.