ಭಟ್ಕಳ:ಇಲ್ಲಿನ ಪ್ರತಿಷ್ಟಿತ ಅಂಜುಮನ್ ಹಾಮಿ-ಎ- ಮುಸ್ಲಿಮೀನ್ ಶಿಕ್ಷಣ ಸಂಸ್ಥೆಯ ಅಂಜುಮನ್ ಶಿಕ್ಷಣ ಮಹಾವಿದ್ಯಾಲಯಕ್ಕೆ ೨೦೨೦ನೆ ಸಾಲಿನ ಪ್ರಥಮ ಹಾಗೂ ತೃತೀಯಾ ಸೆಮಿಸ್ಟರ್ ಪರೀಕ್ಷೆಯಲ್ಲಿ ಶೇ.೧೦೦ ಫಲಿತಾಂಶ ದಾಖಲಿಸಿದ್ದು ಎಲ್ಲ ವಿದ್ಯಾರ್ಥಿಗಳು ಉನ್ನತ ಶ್ರೇಣಿಯಲ್ಲಿ ತೇರ್ಗಡೆಗೊಂಡಿದ್ದಾರೆ ಎಂದು ಸಂಸ್ಥೆಯು ಪತ್ರಿಕಾಪ್ರಕಟಣೆಯಲ್ಲಿ ತಿಳಿಸಿದೆ.
ಅಂಜುಮನ್ ಶಿಕ್ಷಣ ಮಹಾವಿದ್ಯಾಲಯಕ್ಕೆ ೨೦೨೦ನೆ ಸಾಲಿನ ಪ್ರಥಮ ಹಾಗೂ ತೃತೀಯಾ ಸೆಮಿಸ್ಟರ್ ಪರೀಕ್ಷೆಯಲ್ಲಿ ಶೇ.೧೦೦ ಫಲಿತಾಂಶ ದಾಖಲಿಸಿದ್ದು ಎಲ್ಲ ವಿದ್ಯಾರ್ಥಿಗಳು ಉನ್ನತ ಶ್ರೇಣಿಯಲ್ಲಿ ತೇರ್ಗಡೆಗೊಂಡಿದ್ದಾರೆ
ಪ್ರಥಮ ಸೆಮಿಸ್ಟರ್ ಪರೀಕ್ಷೆಯಲ್ಲಿ ೩೫ ವಿದ್ಯಾರ್ಥಿಗಳು ಹಾಜರಾಗಿದ್ದು ಎಲ್ಲರೂ ಉನ್ನತ ಶ್ರೇಣಿಯಲ್ಲಿ ತೇರ್ಗಡೆಗೊಂಡಿದ್ದಾರೆ.
ಶೇ.೯೫.೧೫ ಅಂಕಗಳೊoದಿಗೆ ವಿನಯಶ್ರೀ, ನೂರ್-ಎ-ರೇನಾ ಹಾಗು ಫೌಝಿಯಾ ಪರ್ವಿನ್ ಅಗ್ರಾಂಕವನ್ನು ಗಳಿಸಿದ್ದಾರೆ. ತೃತೀಯ ಸೆಮಿಸ್ಟರ್ ಪರೀಕ್ಷೆಯಲ್ಲಿ ಹಾಜರಾದ ೪೫ ವಿದ್ಯಾರ್ಥಿಗಳಲ್ಲಿ ಎಲ್ಲರೂ ಉನ್ನತ ಶ್ರೇಣಿಯಲ್ಲಿ ಉತ್ತೀರ್ಣರಾಗಿದ್ದು, ತಹಿಯಾ ತಸ್ಕೀನ್ ಅಬ್ದುಲ್ಲಾ ಶೇಖ್ ಶೇ೯೧.೫೦, ಶ್ವೇತಾ ಗಂಗಾಧರ್ ನಾಯ್ಕ ೯೧.೧೭%, ನಿವೇದಿತಾ ಅಶೋಕ್ ಭೋಮ್ಕರ್ ಮತ್ತು ಇಸ್ರಾ ಇಸ್ಹಾಖ್ ಶಾಬಂದ್ರ ೯೦.೮೩%, ಅಶ್ವಿನಿ ಶನಿಯಾರ್ ನಾಯ್ಕ ಮತ್ತು ಆಯಿಶಾ ಸಬಾ ೯೦.೫%, ಪದ್ಮಾ ಗೌಡ ಶೇ.೯೦% ಅಂಕಗಳನ್ನು ಪಡೆದುಕೊಂಡಿದ್ದಾರೆ.
ವಿದ್ಯಾರ್ಥಿಗಳ ಸಾಧನೆಗೆ ಅಂಜುಮಾನ್ ಹಾಮಿ-ಎ-ಮುಸ್ಲೀಮೀನ್ ಶಿಕ್ಷಣ ಸಂಸ್ಥೆಯ ಅಧ್ಯಕ್ಷರು, ಪದಾಧಿಕಾರಿಗಳು ಹಾಗೂ ಶಿಕ್ಷಣ ಮಹಾವಿದ್ಯಾಲಯದ ಪ್ರಾಂಶುಪಾಲರು ಸಿಬ್ಬಂಧಿ ವರ್ಗ ಅಭಿನಂದಿಸಿದೆ.
Leave a Comment