ಅನಾದಿಕಾಲದಿಂದ ಅರಣ್ಯಭೂಮಿ ಸಾಗುವಳಿ ಮಾಡುತ್ತಿರುವವರ ಮೇಲೆ ಅರಣ್ಯ ಸಿಬ್ಬಂದಿಗಳ ದೌರ್ಜನ್ಯ;ಜಿಲ್ಲಾ ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆ ಖಂಡನೆ

ಹೊನ್ನಾವರ: ಕೇಂದ್ರ ಮತ್ತು ರಾಜ್ಯ ಸರಕಾರವು ಕೋವೀಡ್ 2ನೇ ಆಲೆ ನಿಯಂತ್ರಿಸುವಲ್ಲಿ ಕಾರ್ಯ ಪ್ರವರ್ತರಾಗುತ್ತಿರುವ ಸಂದರ್ಭದಲ್ಲಿ  ತಾಲೂಕಿನ ಗೇರುಸೊಪ್ಪ ವಲಯ ಅರಣ್ಯಾಧಿಕಾರಿ ಸಿಬ್ಬಂದಿಗಳು ಕೋವೀಡ್ ನಿಯಮಾವಳಿ ಮತ್ತು ಅರಣ್ಯ ಭೂಮಿ ಒಕ್ಕಲೆಬ್ಬಿಸುವ ವಿಧಿ-ವಿಧಾನ ಅನುಸರಿಸದೇ ಹಿರಿಯ ನಾಗರಿಕರೊಬ್ಬರ 60 ವರ್ಷದಿಂದ ಅರಣ್ಯಭೂಮಿ ಸಾಗುವಳಿಗೆಗೆ ಆತಂಕ ಪಡಿಸಿ ಬಲಪ್ರಯೋಗ ಪ್ರಯತ್ನಿಸಿದ ಘಟನೆ ಬೆಳಕಿಗೆ ಬಂದಿದೆ.

ತಾಲೂಕಿನ ಮಹಿಮೆ ಗ್ರಾಮದ ಶಂಕರ ಮಕ್ಕಿಯಲ್ಲಿ   ಸರ್ವೆ ನಂ 28 ಮತ್ತು 35 ರಲ್ಲಿ ದೇವದಾಸ ಪಾಂಡುರಂಗ ಶೇಟ್ಟಿ ವಾಸ್ತವ್ಯ ಮಾಡುತ್ತಿದ್ದಾರೆ.ಅನಾದಿಕಾಲದಿಂದ ಅರಣ್ಯಭೂಮಿ ನಾಲ್ಕು ಎಕರೆ ಪ್ರದೇಶ ಸಾಗುವಳಿ ಮಾಡುತ್ತಿರುವವರ ಮೇಲೆ ಅರಣ್ಯ ಸಿಬ್ಬಂದಿಗಳು ದೌರ್ಜನ್ಯವೆಸಗಿದೆ ಎನ್ನಲಾಗಿದೆ. ಘಟನೆ ಕುರಿತಂತೆ ಮಾಹಿತಿ ಪಡೆದ ಜಿಲ್ಲಾ ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆ ಬಲವಾಗಿ ಖಂಡಿಸಿದೆ.  ದೇವದಾಸ ಶೇಟ್ಟಿ ಅವರು ಸಾಗುವಳಿ ಕ್ಷೇತ್ರಕ್ಕೆ ಸಂಬಂಧಿಸಿ 1978 ರ ಪಹಣಿ ಪತ್ರಿಕೆಯ ವ್ಯವಸಾಯಗಾರನ ಕಾಲಂನಲ್ಲಿ ಮೂರು ಎಕರೆ ಸಾಗುವಳಿದಾರರಂತ ಉಲ್ಲೇಖವಿದ್ದು, ಮುಖ್ಯ ಅರಣ್ಯ ಸಂರಕ್ಷಣಾಧಿಕಾರಿ ಕೆನರಾ ಸರ್ಕಲ್ ಶಿರಸಿ ಎಪ್ರಿಲ್ 2002 ರಂದು ಮೂರು ಎಕರೆ ಕ್ಷೇತ್ರ 78 ರ ಪೂರ್ವದ ಅತಿಕ್ರಮಣ ಮಂಜೂರಿಗೆ ಅರ್ಹವಿದ್ದು, ಮಂಜೂರಿಗೆ ಶಿಫಾರಸ್ಸು ಮಾಡಿದ್ದು ಇದೆ. ಅಲ್ಲದೇ ಅರಣ್ಯ ಹಕ್ಕು ಕಾಯಿದೆ ಅಡಿಯಲ್ಲಿ ದೇವದಾಸ ಶೇಟ್ಟಿ ಅವರಿಗೆ ನಾಲ್ಕು ಎಕರೆ ಸಾಗುವಳಿದಾರರಂತ ಜಿ.ಪಿ.ಎಸ್ ಸರ್ವೇ ಆಗಿದ್ದು ಸದ್ರಿ ಸರ್ವೇ ನಕಾಶೆಗೆ ವಲಯ ಅರಣ್ಯ ಅಧಿಕಾರಿ ಹಾಗೂ ಉಪವಲಯ ಅರಣ್ಯ ಅಧಿಕಾರಿ ಸಹಿ ಸಹಿತ ನಮೂದಾಗಿದೆ.
30 ವರ್ಷಕ್ಕಿಂತ ಮಿಗಿಲಾದ ಗೇರು ಮರದ ತೋಪಿನಲ್ಲಿ ನೆಡಲಾದ ಅಡಿಕೆ ಮರ ಕಿತ್ತು, ನೀರಿನ ಪೈಪ್  ದ್ವಂಸಗೊಳಿಸಿ ಆಪಾರ ಪ್ರಮಾಣದಲ್ಲಿ ಅತಿಕ್ರಮಣದಾರನಿಗೆ ನಷ್ಟಕ್ಕೆ ಕಾರಣವಾಗಿರುವುದು ವಿಷಾದಕರ. ಅರಣ್ಯ ಹಕ್ಕು ಕಾಯಿದೆಯಲ್ಲಿ ಆರಣ್ಯ ವಾಸಿಯ ಮಾನ್ಯತೆ ಮತ್ತು ಪರೀಶಿಲನಾ ಪ್ರಕ್ರಿಯೆ ಪೂರ್ಣವಾಗುವವರೆಗೆ ಅರಣ್ಯ ಅತಿಕ್ರಮಣದಾರನ ಒಕ್ಕಲೆಬ್ಬಿಸತಕ್ಕದ್ದಲ್ಲ ಎಂಬ ಅಂಶ ಅಡಕವಾಗಿದ್ದಾಗಿಯೂ ಹಾಗೂ ಕರ್ನಾಟಕ ಉಚ್ಚ ನ್ಯಾಯಾಲಯದಲ್ಲಿ ಆತಂಕ ಪಡಿಸಬಾರದೆಂಬ ನಿರ್ದೇಶನ ಇದ್ದಾಗಿಯೂ ಕಾನೂನಿಗೆ ವ್ಯತಿರಿಕ್ತವಾಗಿ ಇಂದು ಕೋವೀಡ್ ಸಾಂಕ್ರಾಮಿಕ ಉಲ್ಬಣಗೊಳ್ಳುತ್ತಿರುವಂತಹ ಸಂದರ್ಭದಲ್ಲಿ ಕೊವೀಡ್ ನಿಯಮಾವಳಿಗಳನ್ನ ಅನುಸರಿಸದೇ ಸಾಮಾಜಿಕ ಅಂತರ ಕಾಪಾಡದೇ ಹಿರಿಯ ನಾಗರಿಕರೊಂದಿಗೆ ಅಸಭ್ಯವಾಗಿ ವರ್ತಿಸಿರುವುದು ಸಾರ್ವಜನಿಕವಾಗಿ ಚರ್ಚೆಗೆ ಕಾರಣವಾಗಿದೆ.
ಕಾನೂನು ಕ್ರಮಕ್ಕೆ ಒತ್ತಾಯ:ದೇವದಾಸ ಶೇಟ್ಟಿ ಅವರ ಕಬ್ಬಾ ಬೋಗಟೆಯಲ್ಲಿ ಸಾಗುವಳಿ ಮಾಡುತ್ತಿರುವ ಭೂಮಿ ಆಕ್ರಮ ಪ್ರವೇಶ ಮಾಡಿ, ಕಾನೂನು ಬಾಹಿರವಾಗಿ ಉಚ್ಚ ನ್ಯಾಯಾಲಯದ ಅತಿಕ್ರಮಣದಾರರಿಗೆ ಆತಂಕ ಪಡಿಸಬಾರದೆಂಬ ನಿರ್ದೇಶನ ಹಾಗೂ ಕೋವೀಡ್ ನಿಯಮಾವಳಿ ಉಲ್ಲಂಘಿಸಿದ ಆರಣ್ಯ ಸಿಬ್ಬಂದಿಗಳ ಮೇಲೆ ಸೂಕ್ತ ಕಾನೂನು ಕ್ರಮ ಜರುಗಿಸಬೇಕೆಂದು ಅರಣ್ಯ ಭೂಮಿ ಹಕ್ಕು ಹೋರಾಟಗಾರ ವೇದಿಕೆ ಅಧ್ಯಕ್ಷ ರವೀಂದ್ರ ನಾಯ್ಕ ಮುಖ್ಯಮಂತ್ರಿಗೆ ಆಗ್ರಹಿಸಿದ್ದಾರೆ.