ಬನವಾಸಿ: ಹಾನಗಲ್ ನಿಂದ ಗೋವಾ ರಾಜ್ಯಕ್ಕೆ ಅಕ್ರಮವಾಗಿ ಸಾಗಾಟ ಮಾಡುತ್ತಿದ್ದ 1 ಕೆಜಿ 47 ಗ್ರಾಂ ತೂಕದ ಗಾಂಜಾವನ್ನು ಬನವಾಸಿ ಪೊಲೀಸರು ವಶಪಡಿಸಿಕೊಂಡು ಆರೋಪಿಯನ್ನು ಮಂಗಳವಾರ ಬಂಧಿಸಿದ್ದಾರೆ.
ಹಾನಗಲ್ ಶಿವಪುರದ ಅಬ್ದುಲ್ ಭಾಶಾ ಯೂಸುಫ್ ಸಾಬ್ (23) ಬಂಧಿತ ಆರೋಪಿ. ಸುಮಾರು 41 ಸಾವಿರ ರೂ. ಬೆಲೆಯ ಗಾಂಜಾ ವನ್ನು ಮಾರಾಟದ ಉದ್ದೇಶಕ್ಕಾಗಿ ಈತ ಬೈಕ್ ಮೇಲೆ ಸಾಗಾಟ ಮಾಡುತ್ತಿದ್ದ. ಈ ಕುರಿತು ಖಚಿತ ಮಾಹಿತಿ ಪಡೆದ ಪೊಲೀಸರು ಆರೋಪಿಯನ್ನು ಬಂಧಿಸಿದ್ದಾರೆ. ಬನವಾಸಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
Leave a Comment