ವಿಧಾನ ಪರಿಷತ್ ಸದಸ್ಯ ಎಸ್.ಎಲ್.ಘೊಟ್ನೇಕರ ಕಾರು ಪಲ್ಟಿ ಅದೃಷ್ಟವಶಾತ್ ಎಲ್ಲರೂ ಪಾರು.

ಹಳಿಯಾಳ :-  ಕೆಡಿಸಿಸಿ ಬ್ಯಾಂಕನ   ಸಭೆಗೆ   ಶಿರಸಿಗೆ ತೆರಳುತ್ತಿದ್ದ ಉತ್ತರ ಕನ್ನಡ ಜಿಲ್ಲೆಯ ವಿಧಾನ ಪರಿಷತ್ ಸದಸ್ಯ ಹಾಗೂ ಕೆಡಿಸಿಸಿ ಬ್ಯಾಂಕ್ ಅಧ್ಯಕ್ಷ ಎಸ್.ಎಲ್.ಘೊಟ್ನೇಕರ ಅವರು ಪ್ರಯಾಣಿಸುತ್ತಿದ್ದ ಕಾರು ಗುರುವಾರ‌ ಮಧ್ಯಾಹ್ನ ಹಳಿಯಾಳ ಯಲ್ಲಾಪೂರ ರಾಜ್ಯ ಹೆದ್ದಾರಿಯ ತಾಟವಾಳ ಸಮೀಪ ಇನ್ನೊಂದು ಕಾರು  ಡಿಕ್ಕಿ ಹೊಡೆದ ಪರಿಣಾಮ

ಚಾಲಕನ ನಿಯಂತ್ರಣ ತಪ್ಪಿ ಪಲ್ಟಿ ಹೊಡೆದ ಘಟನೆ‌ ನಡೆದಿದೆ.

ತಾಟವಾಳ ಸಮೀಪದ ಸರ್ಕಾರಿ ಶಾಲೆಯ ಎದುರು  ಬೆಂಗಳೂರು ka 01 -6960 mf  ನಂಬರಿನ ಇಂಡಿಗೊ ಕಾರು

  ಎಮ್ ಎಲ್ ಸಿ ಅವರು ಚಲಿಸುತ್ತಿದ್ದ ಇನ್ನೊವಾ ಫೊರಚುನರ್  ka 65 m 5777

ಕಾರಿಗೆ ಡಿಕ್ಕಿ ಹೊಡೆದಿದ್ದರಿಂದ

ಅಪಘಾತದ ರಭಸಕ್ಕೆ ಘೊಟ್ನೇಕರ

 ಅವರ ಕಾರು ಪಲ್ಟಿಯಾಗಿದೆ  ಎಂದು ತಿಳಿದು ಬಂದಿದೆ.

 ಕಾರು ಘೊಟ್ನೇಕರ ಅವರು ಕುಳಿತ ಬದಿಯೇ ಪಲ್ಟಿಯಾಗಿದ್ದು  ಅದೃಷ್ಟವಶಾತ್ ಕಾರಿನಲ್ಲಿಯ ಅಪಘಾತ ನಿರ್ವಾಹಕ‌ (air bag)  ಬಲೂನ್ ಗಳು  ತೆರೆದುಕೊಂಡಿದ್ದರಿಂದ ಯಾವುದೇ ಅವಘಡ ಸಂಭವಿಸಿಲ್ಲ ಎನ್ನಲಾಗಿದೆ.

ಅಪಘಾತವಾದ್ದರಿಂದ‌ ಕಾರು ಎಡಬದಿ ಹಾಗೂ ಹಿಂಬದಿ ಜಖಂಗೊಂಡಿದೆ.

ಆದರೇ ಕಾರಿನಲ್ಲಿ ಪ್ರಯಾಣಿಸುತ್ತಿದ್ದ ಇನ್ನೊರ್ವ ಪುರಸಭೆಯ ಸದಸ್ಯ ಅನಿಲ ಚವ್ವಾಣ ಅವರಿಗೆ ಸಣ್ಣಪುಟ್ಟ ಗಾಯಗಳಾಗಿವೆ ಎಂದು ತಿಳಿದು ಬಂದಿದೆ.

ಈ ಕುರಿತು ಮಾತನಾಡಿದ ಘೊಟ್ನೇಕರ ಅವರು  ಕಾರು ಅಪಘಾತವಾಗಿ ಪಲ್ಟಿ ಹೊಡೆದಿದೆ ಆದರೇ ದೇವರ ಕೃಪೆಯಿಂದ ಯಾರಿಗೂ ಯಾವುದೇ‌ ತರಹದ ಹಾನಿ‌ ಸಂಭವಿಸಿಲ್ಲ  ಎಂದು ತಿಳಿಸಿದರು.

ಕಾರು ಅಪಘಾತವಾದ ಬಳಿಕ ಘೊಟ್ನೇಕರ ಅವರು  ಶಿರಸಿಗೆ ತೆರಳದೆ ಹಳಿಯಾಳಕ್ಕೆ ವಾಪಸ್ಸಾಗಿದ್ದಾರೆ.