ಅಕ್ರೋಟ್ (ವಾಲ್ ನಟ್ಸ್)
\ಆಕ್ಷೋಟ್,ಆಕ್ಷೋಡ್,ಅಕ್ರೋಡ್, ಅಕೋಟ್, ಅಖ್ರೋಟಾ, ಆಕ್ಷೋಲಮ್ ಎಂಬ ಹೆಸರುಗಳಿಂದ ಕರೆಯುತ್ತಾರೆ.
ಭಾರತ,ನೇಪಾಳ,ಚೀನಾ,ಆಫ್ಗಾನಿಸ್ತಾನ್,
ಬರ್ಮಾ,ಮಲೇಷಿಯಾ,ಇಂಡೋನೇಷಿಯಾ ಇನ್ನು ಮುಂತಾದ ದೇಶಗಳಲ್ಲಿ ಬೆಳೆಯುತ್ತಾರೆ.ಈ ವೃಕ್ಷವು ಸುಮಾರು 20 ರಿಂದ 30 ಅಡಿ ಎತ್ತರ ಬೆಳೆಯುತ್ತದೆ.
ಅಕ್ರೋಟದಲ್ಲಿ ಅಧಿಕವಾಗಿ ಪ್ರೋಟೀನ್ಸ್, ವಿಟಮಿನ್ಸ್,ಕ್ಯಾಲರಿ,ಪಾಸ್ಪರಸ್,ಮ್ಯಾಂಗನೀಸ್, ಕಾಪರ್,ಕ್ಯಾಲ್ಸಿಯಂ,ಐರನ್,ಫೈಬರ್, ಇವೆಲ್ಲವೂ ಒಂದರಲ್ಲಿ ಇರುವುದು ಅಮೋಘವಾದದ್ದು.
ದಿನವು ಒಂದೆರಡು ಅಕ್ರೋಟ್ ತಿನ್ನುವುದರಿಂದ ರಕ್ತದಲ್ಲಿನ ಕೊಬ್ಬಿನಾಂಶ ತಗ್ಗಿಸಿ, ರಕ್ತ ಪರಿಚಲನೆ ಸುಗುಮವಾಗಿ ಹೃದಯವನ್ನು ಆರೋಗ್ಯವಾಗಿಡುತ್ತೆ.
ದಿನವು ನಿಯಮಿತವಾಗಿ ಆಕ್ರೋಟ್ ಸೇವಿಸುತ್ತಿದ್ದರೆ ದೇಹದ ಚರ್ಮ ಸುಕ್ಕುಗಟ್ಟುವುದನ್ನು ತಡೆಯುತ್ತೆ.ಮುಖದ ಕಾಂತಿಯನ್ನು ಹೆಚ್ಚಿಸುತ್ತೆ.
ಪುರುಷರು ದಿನವು ಒಂದೆರಡು ಅಕ್ರೋಟ್ ತಿಂದು ಒಂದು ಲೋಟ ಹಸುವಿನ ಹಾಲು ಕುಡಿಯುತ್ತಾ ಬಂದರೆ ಆರೋಗ್ಯಕರವಾದ ವೀರ್ಯಾಣುಗಳನ್ನು ಉತ್ಪತ್ತಿ ಮಾಡುವುದರಲ್ಲಿ ಪ್ರಧಾನ ಪಾತ್ರವಹಿಸುತ್ತೆ.
ಸಂತಾನ ಇಲ್ಲದೆ ಬಾದೆ ಪಡುವವರಿಗೆ ಆಕ್ರೋಟ್ ಒಂದು ದಿವೌಷಧಿ ಎಂದು ಹೇಳಬಹುದು.ಹೆಂಗಸರಲ್ಲಿ ಋತಚಕ್ರ ಸಮಸ್ಯೆಗಳು ನಿವಾರಣೆಯಾಗುತ್ತೆ. ಆಕ್ರೋಟ್ ಸೇವನೆಯಿಂದ ಒಳ್ಳೆ ಫಲಿತಾಂಶ ಕಾಣಬಹುದು.
ವಾಲ್ ನಟ್ಸ್ ಸೇವಿಸುವುದರಿಂದ ದೇಹದಲ್ಲಿ ರೋಗ ನಿರೋಧಕ ಶಕ್ತಿ ಹೆಚ್ಚುತ್ತೆ.ಮಾನಸಿಕ ಒತ್ತಡ
ಕಡಿಮೆ ಮಾಡಿ ನಿದ್ರಾಹೀನತೆ ದೂರಮಾಡುತ್ತೆ.
ಮೂತ್ರಪಿಂಡಗಳು ಹಾಗೂ ಶ್ವಾಸಕೋಶಗಳನ್ನು ಆರೋಗ್ಯವಾಗಿಡುತ್ತೆ.
ಅಕ್ರೋಟ್ ನಿಯಮಿತವಾಗಿ ತಿನ್ನುತ್ತಿದ್ದರೆ ರಕ್ತದಲ್ಲಿನ ಸಕ್ಕರೆ ಪ್ರಮಾಣವನ್ನು ಅತೋಟಿಯಲ್ಲಿ ಇಡುತ್ತೆ.ಮಧುಮೇಹಿಗಳು ಅಕ್ರೋಟ್ ಸೇವಿಸುವುದರಿಂದ ಒಳ್ಳೆಯ ಫಲಿತಾಂಶ ಕಾಣಬಹುದು.
ದಿನವು ಒಂದೆರಡು ವಾಲ್ ನಟ್ಸ್ ತಿನ್ನುವುದರಿಂದ ಮೆದುಳಿನ ಶಕ್ತಿ ಹೆಚ್ಚಿಸುವುದಲ್ಲದೆ, ಜ್ಞಾನಪಕ ಶಕ್ತಿ ಸಹ ಹೆಚ್ಚಿಸಲು ತುಂಬಾ ಸಹಕಾರಿಯಾಗಿ ಕೆಲಸ ಮಾಡುತ್ತೆ ಎಂದು ಆಯುರ್ವೇದ ಪಂಡಿತರು ಹೇಳುತ್ತಾರೆ.
ವಾಲ್ ನಟ್ಸ್ ಸೇವಿಸುವುದರಿಂದ ಕ್ಯಾನ್ಸರ್ ಕಾಯಿಲೆಯನ್ನು ತಡೆಗಟ್ಟುತ್ತೆ.(ಕ್ಯಾನ್ಸರ್ ಕಣಗಳನ್ನು ಸಾಯಿಸುತ್ತೆ)
ದೇಹದಲ್ಲಿನ ಕೆಟ್ಟ ಕೊಬ್ಬನ್ನು ಕರಗಿಸುವುದಲ್ಲದೆ, ಒಳ್ಳೆಯ ಕೊಬ್ಬನ್ನು ಉತ್ಪತ್ತಿ ಮಾಡಿ ತೂಕವನ್ನು ಕಡಿಮೆ
ಮಾಡಲು ನೇರವಾಗುತ್ತೆ.
ವಾಲ್ ನಟ್ಸ್ ಆಯಿಲ್ ನಿಂದ ದೇಹಕ್ಕೆ ಮಸಾಜ್ ಮಾಡಿಕೊಳ್ಳುವುದರಿಂದ, ಚರ್ಮವು ಮೃದುವಾಗಿ ಕಾಂತಿಯಿಂದ ಕಂಗೊಳಿಸುತ್ತೆ.ಚರ್ಮದ ಸುಕ್ಕನ್ನು ದೂರಮಾಡುವುದಲ್ಲದೆ,ವೃದ್ಯಾಪವನ್ನು ಸಹ ಮುಂದೂಡುತ್ತೆ.(ಮಸಾಜ್ ಮಾಡಿಕೊಂಡ 2 ಗಂಟೆಯ ನಂತರ ಸ್ನಾನ ಮಾಡಬೇಕು) ಚರ್ಮ ಸೌಂದರ್ಯವನ್ನು ಹೆಚ್ಚಿಸುವುದಲ್ಲದೆ, ಚರ್ಮವನ್ನು ಸುರಕ್ಷಿಸುತ್ತದೆ.ದೇಹದ ಜಿಡ್ಡನ್ನು ದೂರ ಮಾಡುತ್ತೆ.
ದಿನವು ಸಂಜೆ ವೇಳೆ ಮುಖಕ್ಕೆ ಆಯಿಲ್ ಮಸಾಜ್ ಮಾಡಿಕೊಂಡು 1/2 ಗಂಟೆಯ ನಂತರ ಹತ್ತಿ ಬಟ್ಟೆಯಲ್ಲಿ ಶುಭ್ರಗೊಳಿಸಿ, ಉಗರು ಬೆಚ್ಚಗಿನ ನೀರಲ್ಲಿ ಮುಖ ತೊಳೆದುಕೊಂಡರೆ ಮುಖದ ಕಾಂತಿ ಹೆಚ್ಚಿ ಸೌಂದರ್ಯ ಹಿಮ್ಮುಡಿಗೊಳ್ಳುತ್ತೆ.ಮೊಡವೆಗಳು,ಕಪ್ಪು ಕಲೆಗಳು ಮಾಯವಾಗುತ್ತೆ.
ಆಕ್ರೋಟ್ ಮರದ ತೊಗಟೆಯನ್ನು 100 ಗ್ರಾಂ ಚೆನ್ನಾಗಿ ಜಜ್ಜಿ ಒಂದು ಮಡಿಕೆಯಲ್ಲಿ ಹಾಕಿ,ಅದಕ್ಕೆ 2 ಲೋಟ ನೀರು ಹಾಕಿ, ಒಳೆಯ ಮೇಲಿಟ್ಟು ಚೆನ್ನಾಗಿ ಕುದಿಸಿ, ಉಗರು ಬೆಚ್ಚಗಿದ್ದಾಗ ಸೋಸಿ 50ml ನಂತೆ ಕುಡಿದರೆ ಭೇದಿ,ಶೀತಭೇದಿ ಗುಣವಾಗುತ್ತೆ.
ಹೊಟ್ಟೆಯಲ್ಲಿನ ಕ್ರಿಮಿಗಳು ಸಾಯುತ್ತವೆ.
ಇದೇ ಕಷಾಯವನ್ನು ಬೆಳಿಗ್ಗೆ-ಸಂಜೆ ಬಾಣಂತಿಯರು ಸೇವಿಸಿದರೆ ಮೊಲೆ ಹಾಲು ಉತ್ಪತ್ತಿ ಹೆಚ್ಚುತ್ತೆ.
ಆರೋಗ್ಯದಿಂದ ಖುಷಿಯಾಗಿರಬೇಕೆಂದರೆ ದಿನವು ವಾಲ್ ನಟ್ಸ್ ತಿನ್ನಲೇಬೇಕು.ದಿನವು ಐದಾರು ವಾಲ್ ನಟ್ಸ್ ತಿಂದರೆ ಮಾನಸಿಕ ಒತ್ತಡ ಮಾಯವಾಗುತ್ತೆ.ಮನಸ್ಸು ಖುಷಿಯಾಗಿ ಉಲ್ಲಾಸಭರಿತವಾಗಿರುತ್ತೆ.ದೇಹದ ಆರೋಗ್ಯ ಸುಧಾರಿಸುತ್ತೆ, ಖಿನ್ನತೆ, ಒತ್ತಡ, ಆಯಾಸ, ಗೊಂದಲ, ಕೋಪ ಎಲ್ಲವೂ ಮಾಯವಾಗುತ್ತೆ.
ವಿ.ಸೂ:-ಆಕ್ರೋಟ್ ಬೀಜಗಳನ್ನು ರಾತ್ರಿ ನೀರಲ್ಲಿ ನೆನಸಿಟ್ಟು ಬೆಳಿಗ್ಗೆ ಸಿಪ್ಪೆ ಸುಳಿದೇ ಸೇವಿಸಬೇಕು.
Leave a Comment