ಭಟ್ಕಳದ ಯುವಕರ ತಂಡ ರಚಿಸಿದ ಮೋಜಿನ ಬಲೆ-೨ ಕಿರುಚಿತ್ರದ ಬಿಡುಗಡೆ ಕಾರ್ಯಕ್ರಮ

ಭಟ್ಕಳ: ತಾಲೂಕಿನ ಪುರವರ್ಗದ ಯುವಕರ ತಂಡ ರಚಿಸಿದ ಮೋಜಿನ ಬಲೆ-2 ಕಿರುಚಿತ್ರದ ಪೋಸ್ಟರ್ ಬಿಡುಗಡೆ ಕಾರ್ಯಕ್ರಮ ಇಲ್ಲಿನ ಖಾಸಗಿ ಹೋಟೆಲ್ ನಲ್ಲಿ ನಡೆಯಿತು.

ಕಾರ್ಯಕ್ರಮ ಉದ್ಘಾಟಿಸಿದ ಪುರವರ್ಗದ ಪ್ರಮುಖರಾದ ಅಣ್ಣಪ್ಪ ನಾಯ್ಕ ಮಾತನಾಡಿ ಭಟ್ಕಳ ತಾಲೂಕು ಒಂದು ಸಾಹಿತ್ಯಕ ತಾಲೂಕಾಗಿದ್ದು ಪುರವರ್ಗದ ಯುವಕರು ಬರೆದು, ನಿರ್ದೇಶಿಸಿ ಯಶಸ್ವಿಯಾದ ಮೋಜಿನ ಬಲೆ-1ರ ನಂತರ ಈಗ ಮೋಜಿನ ಬಳೆ-2 ಕಿರುಚಿತ್ರ ರಚಿಸಿದ್ದಾರೆ. ಅತ್ಯಂತ ಕಷ್ಟಪಟ್ಟು ಯಾವುದೇ ಹೆಚ್ಚಿನ ಸೌಲಭ್ಯವಿಲ್ಲದೇ ತಮ್ಮ ಕಲಾವಂತಿಕೆಯಿಂದಲೇ ಕಿರುಚಿತ್ರ ತಯಾರಿಸಿರುವ ತಂಡದ ಕಾರ್ಯ ಶ್ಲಾಘನೀಯ ಎಂದರು.‘ಮೋಜಿನ ಬಲೆ’ ಎನ್ನುವ ಶಬ್ದವು ಸೂರ್ತಿ, ಮೋಜಿನ ಬದುಕಿನ ಬೆನ್ನೇರಿ ಒಂದಿಷ್ಟು ಜನ ಮೂಢನಂಬಿಕೆಯ ಗುಂಗಿನಲ್ಲಿ ನಿಧಿಯ ಆಶಾ ಕನಸು ಕಾಣುವವರು, ಅಂತವರನ ಬಲೆ ಬೀಸಿ ದುರಂತ ಸನ್ನಿವೇಶ ರಚಿಸಿ ತಮ್ಮ ಬಲೆಗೆ ಬೀಳಿಸುವ ದುಷ್ಟರು. ಇತಂಹ ಒಂದು ಎಳೆ ಹಿಡಿದು ಕಥೆ ರಚಿಸಿ, ಚಿತ್ರಕಥೆಗೆ ನಮ್ಮ ಭಟ್ಕಳ ತಾಲೂಕಿನ ಪುರವರ್ಗ ಗ್ರಾಮದ ರವಿ ನಾಯ್ಕ ಹಾಗೂ ಚಿತ್ರ ತಂಡದ ಪ್ರಯತ್ನ ಹೇಳಿ ಮಾಡಿಸಿದಂತೆ ಇದೆ. ಶೂಟಿಂಗ್ ಮುಗಿಸಿ, ತಂಡದ ಚೇತನ್ ಮೊಬೈಲ್ ಸಹಾಯದಿಂದ ಅಚ್ಚುಕಟ್ಟಾಗಿ ಎಡಿಟಿಂಗ್ ವರ್ಕ್, ಟೀಸರ್, ಪೋಸ್ಟ್‌, ಫೋಮೋ ಅತ್ಯಂತ ಉತ್ತಮವಾಗಿ ಮೂಡಿಬಂದಿದೆ. ವಿಡಿಯೋ ಮತ್ತು ಪೂರ್ತಿ ಮೂವಿ ಎಲ್ಲವೂ ಕೇವಲ ಮೊಬೈಲ್ ನಿಂದ ಪೂರ್ಣವಾಗಿ ಮುಗಿಸಿದರು, ಇದು ಬಹಳ ಹೆಮ್ಮೆಯಿಂದ ಹೇಳಲೇಬೇಕಾದ ವಿಷಯ ವಾಗಿದೆ. ಕಿರುಚಿತ್ರ ನಿರ್ದೇಶಕ ರವಿ ನಾಯ್ಕ ಮಾತನಾಡಿ, ಇಂದು ಯುವಕರು ಮೋಜಿಗಾಗಿ ಹಣದ ಹುಡುಕಾಟದಲ್ಲಿರುತ್ತಾರೆ. ಅಂತಹ ಮೋಜು ಮಸ್ತಿಗಾಗಿ ತಕ್ಷಣ ಹಣ ಪ್ರಧಾನವಾಗಿಟ್ಟುಕೊಂಡು ಕಿರುಚಿತ್ರ ಮಾಡಲಾಗಿದೆ. ಯುವಕರು ದಾರಿತಪ್ಪಲು ಇರುವ ಕಾರಣಗಳನ್ನು ಕೂಡಾ ಇದರಲ್ಲಿ ವಿವರಿಸುವ ಪ್ರಯತ್ನ ಮಾಡಲಾಗಿದ್ದು, ಇದೊಂದು ಚಿಕ್ಕ ಪ್ರಯತ್ನವಾಗಿದೆ ಎಂದರು. ಈ ವೇಳೆಯಲ್ಲಿ ಮಂಜುನಾಥ ನಾಯ್ಕ, ದುರ್ಗಪ್ಪ ನಾಯ್ಕ, ಉದಯ ನಾಯ್ಕ ಮುಂತಾದವರು ಉಪಸ್ಥಿತರಿದ್ದರು.