ನಾಮದಾರಿ ಸಭಾಭವನದ ಕಟ್ಟಡ ನಿರ್ಮಾಣಕ್ಕೆ ಶ್ರೀ ಕ್ಷೇತ್ರ ಧರ್ಮಸ್ಥಳದಿಂದ 10 ಲಕ್ಷ ಸಹಾಯಧನ ವಿತರಣೆ.

ಹೊನ್ನಾವರ :ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವ್ರದ್ಧಿ ಯೋಜನೆಯ ಸಮುದಾಯ ಅಭಿವೃದ್ದಿ ವಿಭಾಗದಿಂದ ಹೊನ್ನಾವರದಲ್ಲಿ ನಿರ್ಮಾಣವಾಗುತ್ತಿರುವ ನಾಮಧಾರಿ ಸಭಾಭವನ ಹಾಗೂ ವಿದ್ಯಾರ್ಥಿ ನಿಲಯದ ಕಟ್ಟಡ ನಿರ್ಮಾಣಕ್ಕೆ ಶ್ರೀ ಕ್ಷೇತ್ರ ಧರ್ಮಸ್ಥಳ ದ ಧರ್ಮಾಧಿಕಾರಿಗಳಾದ ಡಾ॥ಡಿ.ವೀರೇಂದ್ರ ಹೆಗ್ಗಡೆಯವರು  ಯೋಜನೆಯ ಮೂಲಕ ₹10 ಲಕ್ಷ ಸಹಾಯಧನವನ್ನು ಬಿಡುಗಡೆಗೊಳಿಸಿದ್ದಾರೆ.

ಇದರ ಚೆಕ್  ಉಡುಪಿ ಪ್ರಾದೇಶಿಕ ನಿರ್ದೇಶಕರಾದ  ವಸಂತ ಸಾಲ್ಯಾನ್  ಶಾಸಕ ಸುನೀಲ್ ನಾಯ್ಕ ಹಾಗೂ ಸಮಿತಿ ಮುಖಂಡರಿಗೆ  ಹಸ್ತಾಂತರಿಸಿದರು.   ಶಾಸಕ  ಸುನೀಲ್ ನಾಯ್ಕ ಮಾತನಾಡಿ  ಧರ್ಮಸ್ಥಳ ಇಡೀ ವಿಶ್ವಕ್ಕೆ ಮಾದರಿ. ಹೆಗ್ಗಡೆಯವರ ಸೇವಾಕಾರ್ಯ ಈ ನಾಡಿನ ಅಭಿವ್ರದ್ಧಿಗೆ ದೊಡ್ಡ ಕೊಡುಗೆಯಾಗುದೆ. ಸಂಕಷ್ಟದ ಸಮಯದಲ್ಲಿ ಪ್ರತಿ ಬಾರಿ ನೆರವಾಗುವದರಲ್ಲಿ ಮುಂಚೂಣಿಯಲ್ಲಿರುತ್ತಾರೆ.

ರಾಜ್ಯದ ವಿವಿಧ ದೇವಾಲಯ ಹಾಗೂ ಸಮುದಾಯದ ಕಾರ್ಯಕ್ಕೆ ಯೋಜನೆ ನೆರವಾಗುತ್ತಿದೆ ಎಂದು ಪ್ರಶಂಸೆ ವ್ಯಕ್ತಪಡಿಸಿದರು.     ಈ ಸಂದರ್ಭದಲ್ಲಿ ಜಿಲ್ಲಾ ನಿರ್ದೇಶಕರಾದ ಶಂಕರ ಶೆಟ್ಟಿ , ಮಾಜಿ ಜಿ.ಪಂ.ಸದಸ್ಯ ದೀಪಕ ನಾಯ್ಕ, ಪ.ಪಂಅಧ್ಯಕ್ಷ ಶಿವರಾಜ ಮೇಸ್ತ,ಜಿಲ್ಲಾ ಜನಜಾಗ್ರತಿ ವೇದಿಕೆ ಅಧ್ಯಕ್ಷ ಸತೀಶ್ ಶೇಟ್ ಯೋಜನೆಯ ವಾಸಂತಿ  ಸುರೇಂದ್ರ,ನಾಗರಾಜ್  ಸಮಿತಿಯ ಅಧ್ಯಕ್ಷ  ಸಿ.ಬಿ.ನಾಯ್ಕ ಹಾಗೂ ಸಮಿತಿಯ ಚಂದ್ರಶೇಖರ ಗೌಡ,  ಹರಿಯಪ್ಪ ನಾಯ್ಕ ಹಾಜರಿದ್ದರು.