ಕಾರವಾರ:
ಹಿರಿಯ ನಾಗರಿಕರ ಸಮಸ್ಯೆಗಳಿಗೆ ಸ್ಪಂದಿಸುವ ಉದ್ದೇಶದಿಂದ ಆರಂಭಿಸಿದ್ದ ಸಹಾಯವಾಣಿಯ ಬಗ್ಗೆ ಜನರಿಗೆ ಸೂಕ್ತ ಮಾಹಿತಿಯಿಲ್ಲ. ಹೀಗಾಗಿ ಹಿರಿಯ ನಾಗರಿಕರಿಂದ ದೂರುಗಳು ಬರುತ್ತಿಲ್ಲ.
ಹತ್ತು ತಿಂಗಳ ಅವದಿಯಲ್ಲಿ ಬೆರಳೆಣಿಕೆಯ ದೂರುಗಳು ಮಾತ್ರ ಕಚೇರಿ ಸಹಾಯವಾಣಿಗೆ ಬಂದಿದೆ. ಹಿರಿಯ ನಾಗರಿಕರು ಯಾವುದೇ ಕಿರುಕುಳಕ್ಕೆ ಒಳಗಾಗದೆ ಇರಲು ಸಹಾಯವಾಣಿ ಸ್ಥಾಪಿಸಲಾಗಿದೆ. ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಕಚೇರಿಯಲ್ಲಿ ಜನವರಿ 2017ರಲ್ಲಿ ಆರಂಭಿಸಲಾಯಿತು. ಮಕ್ಕಳು ತಮ್ಮ ಪೋಷಕರಿಗೆ ಜೀವನಾಂಶವನ್ನು ನೀಡದೆ ಇದ್ದರೆ, ಅವರ ಆಸ್ತಿಯನ್ನು ತಮ್ಮ ಹೆಸರಿಗೆ ಪಡೆದುಕೊಂಡ ಬಳಿಕ ಅವರ ಯೋಗ ಕ್ಷೇಮದ ಬಗ್ಗೆ ಕಾಳಜಿ ವಹಿಸದೇ ಬೀದಿಗೆ ತಳ್ಳಿದರೆ ಹಾಗೂ ಹಿರಿಯರಷ್ಟೇ ಇರುವ ಮನೆಯೊಮದರಲ್ಲಿ ಇನ್ಯಾರೋ ಮೂರನೇ ವ್ಯಕ್ತಿ ಬಂದು ವಾಸ್ತವ್ಯ ಹೂಡಿ ಅವರನ್ನು ಬಲವಂತವಾಗಿ ಹೊರ ಹಾಕಿದರೆ ಇಂತಹ ಯಾವುದೇ ರೀತಿಯ ತೊಂದರೆಗಳನ್ನು ಯಾರೇ ನೀಡಿದರೂ ಕೂಡ ಅವರ ವಿರುದ್ಧ ಸಮಸ್ಯೆಗೊಳಗಾದ ಹಿರಿಯರು ಸಹಾಯವಾಣಿ ಕೇಂದ್ರಕಕೆ ದೂರು ಸಲ್ಲಿಸಬಹುದಾಗಿದೆ.
ಸಹಾಯವಾಣಿ ಕೇಂದ್ರದವರು ತಮ್ಮ ಸಮಾಜ ಸೇವಕರನ್ನು ಇದರ ಬಗ್ಗೆ ಸತ್ಯಾಸತ್ಯತೆ ಅರಿಯಲು ತಕ್ಷನ ಪರಿಶೀಲನೆ ನಡೆಸಿ ವಿಚಾರವನ್ನು ಉಪವಿಭಾಗಾಧಿಆರಿಗಳ ಗಮನಕ್ಕೆ ತರುತ್ತಾರೆ. ಬಳಿಕ ಉಪವಿಭಾಗಾಧಿಕಾರಿಗಳ ನ್ಯಾಯಾಲಯವು ಈ ಬಗ್ಗೆ ತನಿಖೆ ನಡೆಸಿ ಆರೋಪಿಗಳಿಗೆ ಶಿಕ್ಷೆ ವಿಧಿಸುವ ಹಾಗೂ ಹಿರಿಯರಿಗೆ ಸೂಕ್ತ ರಕ್ಷಣೆ ಹಾಗೂ ಪರಿಹಾರವನ್ನು ಕೊಡಿಸುವ ಕಾರ್ಯವನ್ನು ಅತೀ ಶೀಘ್ರದಲ್ಲಿ ಮಾಡಲಾಗುತ್ತದೆ. ಆದರೆ ಜಿಲ್ಲೆಯಲ್ಲಿ ಸಹಾಯವಾಣಿ ಆರಂಭವಾದಾಗ ಜನವರಿಯಲ್ಲಿ 23 ಕರೆಗಳು ಬಂದಿದ್ದು ಅದರಲ್ಲಿ 2 ದೂರು ದಾಖಲಾಗಿದೆ. ಇನ್ನು ಫೆಬ್ರುವರಿ 14 ಕರೆ, 2 ದೂರು, ಮಾರ್ಚ್ 12 ಕರೆ 1 ದೂರು, ಏಪ್ರಿಲ್ 8ಕರೆ 5 ದೂರು, ಮೇ 6ಕರೆ 2 ದೂರು, ಜೂನ್ 9 ಕರೆ 1 ದೂರು, ಜುಲೈ14 ಕರೆ 2 ದೂರು, ಆಗಸ್ಟ್ 16 ಕರೆ 1, ಸೆ 9 ಕರೆ ಹಾಗೂ ಪ್ರಸ್ತುತ ಅಕ್ಟೋಬರ್ನಲ್ಲಿ ಇದುವರೆಗೆ 7 ಕರೆ ಹಾಗೂ 1 ದೂರು ಮಾತ್ರ ದಾಖಲಾಗಿದೆ.
ಕೇಂದ್ರದ ಬಗ್ಗೆ ಹಿರಿಯ ನಾಗರಿಕರಿಗೆ ಸೂಕ್ತ ಮಾಹಿತಿ ಇಲ್ಲದಿರುವುದರಿಂದ ಕೆಲವರು ಅವರಿವರ ಬಳಿ ಹೇಳಿ ಸುಮ್ಮನಾಗುತ್ತಿದ್ದಾರೆ. ಇನ್ನು ಕೆಲವರು ಏನು ಮಾಡಬೇಕೆಂದು ತಿಳಿಯದೇ ನೋವನ್ನು ಅನುಭವಿಸುತ್ತಾರೆ. ಸಹಾಯವಾಣಿ ಮಾಹಿತಿ ಕುರಿತು ಜನಸಾಮಾನ್ಯರಿಗೆ ತಲುಪಿಸುವ ಪ್ರಯತ್ನ ನಡೆದಿಲ್ಲ.
ಇನ್ನು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಕಚೇರಿಯಲ್ಲಿ ಹಿರಿಯ ನಾಗರಿಕರ ಸಮಸ್ಯೆಗಳನ್ನು ಆಲಿಸಲು ಆರಂಭಿಸಿದ್ದ 1090 ಸಹಾಯವಾಣಿಯಂತೆ ಇದೀಗ ನೂತನವಾಗಿ ವಾಟ್ಸಪ್ ಆರಂಭಿಸಿದ್ದು, 8618249402 ನಲ್ಲಿ ದೂರು ದಾಖಲಿಸಬಹುದಾಗಿದೆ. ಇದರಲ್ಲಿ ಸಂದೇಶ, ಸಾಧ್ಯವಾದರೆ ಫೊಟೋ ವಿಡಿಯೋವನ್ನೂ ಕೂಡ ಕಳುಹಿಸಬಹುದು. ಇಲ್ಲಿ ಸಮಸ್ಯೆಗೊಳಗಾಗುತ್ತಿರುವ ಹಿರಿಯ ನಾಗರಿಕರೇ ತಮ್ಮ ಸಮಸ್ಯೆಯನ್ನು ಹೇಳಿಕೊಳ್ಳಬೇಕಾಗಿಲ್ಲ. ಯಾವುದೇ ಮೂರನೇ ವ್ಯಕ್ತಿ ಕೂಡ ಇದರ ಬಗ್ಗೆ ಮಾಹಿತಿ ನೀಡಬಹುದಾಗಿದೆ. ಕರೆ ಮಾಡಿ ಮಾಹಿತಿ ನೀಡವುದಾದರೆ 1090 ಗೆ ಅಥವಾ 08382-220034 ಸಂಖ್ಯೆಗೆ ಕರಡ ಮಾಡಿಯೂ ಮಾಹಿತಿ ನಿಡಬಹುದಾಗಿದೆ.
Leave a Comment