ಹೊನ್ನಾವರ : ತಾಲೂಕಿನ ಹೋಲಿ ರೋಜರಿ ಕಾನ್ವೇಂಟ್ ಶಾಲೆಯಲ್ಲಿ ಹತ್ತನೇ ತರಗತಿ 1993 ರಲ್ಲಿಯ ಬ್ಯಾಚಿನ ಹಳೆಯ ವಿದ್ಯಾರ್ಥಿಗಳು ತಾವು ಶಾಲೆಯಲ್ಲಿ ವ್ಯಾಸಂಗ ಮಾಡಿ 25 ವರ್ಷ ಕಳೆದಿರುವುದರಿಂದ ಶಾಲೆಯ ಸವಿನೆನಪಿಗಾಗಿ ಶನಿವಾರ ಶಾಲೆಯಲ್ಲಿ ಪಾಠ ಕಲಿಸಿಕೊಟ್ಟ ಶಿಕ್ಷಕರನ್ನು ಸನ್ಮಾನ ಕಾರ್ಯಕ್ರಮ ಹಮ್ಮಿಕೊಂಡಿದ್ದರು. 1993 ನೇ ಬ್ಯಾಚ್ನ 29 ವಿದ್ಯಾರ್ಥಿಗಳು ಬೇರೆ ಊರಿನಲ್ಲಿ ಹಾಗೂ ಬೇರೆ-ಬೇರೆ ದೇಶಗಳಲ್ಲಿ ವಾಸವಾಗಿರುವವರು ಕಾರ್ಯಕ್ರಮಕ್ಕೆ ಶಾಲೆಗೆ ಬಂದು ತಮ್ಮ ಅಭಿಮಾನವನ್ನು ವ್ಯಕ್ತಪಡಿಸಿದ್ದರು. ಶಾಲೆಯ ಆವರಣ ಸುತ್ತಾಡಿ ಹಳೆಯ ನೆನಪುಗಳನ್ನು ಮೆಲುಕು ಹಾಕಿದರು. ಶಿಕ್ಷಕ ವೃಂದದವರು ಆ ಸಮಯದಲ್ಲಿನ ಶಾಲೆಯ ಕಲಿಕೆ ಹಾಗೂ ವಾತಾವರಣದ ಬಗ್ಗೆ ಚರ್ಚಿಸಿದರು. ಶಿಕ್ಷಕರಾದ ಎನ್.ಎಸ್.ಹೆಗಡೆ, ರಾಜು.ಹೆಬ್ಬಾರ್, ದುಲ್ಸಿನ್, ಪ್ರಸಿಲ್ಲಾ ಇವರನ್ನು ಸನ್ಮಾನ ಮಾಡಲಾಯಿತು. ಮೃತರಾಗಿರುವ 4 ಶಿಕ್ಷಕರಿಗೆ ಮೌನಾಚರಣೆ ಮಾಡಿ ಶೃದ್ಧಾಂಜಲಿ ನೀಡಲಾಯಿತು ಹಾಗೂ ಶಾಲೆಗೆ ವಿದ್ಯಾರ್ಥಿಗಳಿಂದ ಕಿರುಕಾಣಿಕೆ ನೀಡಲಾಯಿತು. ಈ ಕಾರ್ಯಕ್ರಮದ ಸಂಘಟನೆಯನ್ನು ಕಾಶಿನಾಥ ಪ್ರಭು ಹಾಗೂ ಬಳಗದವರು ನಡೆಸಿಕೊಟ್ಟರು.
Leave a Comment