ಕರಾವಳಿ ಉತ್ಸವದ ಪೋಸ್ಟರ್‍ ಬಿಡುಗಡೆ

ಕಾರವಾರ: ಡಿಸೆಂಬರ್ 8, 9, ಮತ್ತು 10 ರಂದು ನಡೆಯುವ ಕರಾವಳಿ ಉತ್ಸವದ ಪೋಸ್ಟರ್‍ನ್ನು ಶಾಸಕ ಸತೀಶ್ ಸೈಲ್ ಭಾನುವಾರ ಬಿಡುಗಡೆ ಮಾಡಿದರು. ಕರಾವಳಿ ಉತ್ಸವದ ಕಾರ್ಯಕ್ರಮಗಳ ವಿವರ ಇಂತಿದೆ.

* ಡಿಸೆಂಬರ್ 8
ಮಧ್ಯಾಹ್ನ 2.30ಕ್ಕೆ ಜಿಲ್ಲಾ ರಂಗಮಂದಿರದಲ್ಲಿ ಗಂಗಾವತಿ ಪ್ರಾಣೇಶ್ ಹಾಗೂ ತಂಡದವರಿಂದ ನಗೆ ಹಬ್ಬ, 3ಕ್ಕೆ ರವೀಂದ್ರನಾಥ ಟ್ಯಾಗೋರ್ ಕಡಲತೀರದಲ್ಲಿ ಬೀಚ್ ವಾಲಿಬಾಲ್, ಮಯೂರವರ್ಮ ವೇದಿಕೆಯಲ್ಲಿ ಸಂಜೆ ಶಾಲ್ಮಲಿ ಕೋಲ್ಗಡೆಯವರಿಂದ ಸಂಗೀತ ಸಂಜೆ.

* ಡಿಸೆಂಬರ್ 9
ಬೆಳಿಗ್ಗೆ 10ಕ್ಕೆ ಮಾಲಾದೇವಿ ಮೈದಾನದಲ್ಲಿ ಶ್ವಾನ ಪ್ರದರ್ಶನ, ಮಧ್ಯಾಹ್ನ 3ಕ್ಕೆ ರವೀಂದ್ರನಾಥ ಟ್ಯಾಗೋರ್ ಕಡಲತೀರದಲ್ಲಿ ಹಗ್ಗ ಜಗ್ಗಾಟ ಸ್ಪರ್ಧೆ, ಮಾಲಾದೇವಿ ಮೈದಾನದಲ್ಲಿ ಮಲ್ಲಗಂಬ ಸ್ಪರ್ಧೆ, ಸಂಜೆ ಮಯೂರವರ್ಮ ವೇದಿಕೆಯಲ್ಲಿ ಟಿಪ್ಪು ಹಾಗೂ ತಂಡದವರಿಂದ ರಸಮಂಜರಿ, ನಟಿ ಅಶಿಕಾ ಹಾಗೂ ತಂಡದವರಿಂದ ನೃತ್ಯ.

* ಡಿಸೆಂಬರ್ 10
ಬೆಳಿಗ್ಗೆ 10ಕ್ಕೆ ಮಾಲಾದೇವಿ ಮೈದಾನದಲ್ಲಿ ಕಿಚನ್ ಕ್ವೀನ್ ಹಾಗೂ ಥ್ರೋಬಾಲ್ ಸ್ಪರ್ಧೆ, ಸಂಜೆ ಮಯೂರವರ್ಮ ವೇದಿಕೆಯಲ್ಲಿ ಕೈಲಾಶ್ ಖೇರ್ ಅವರಿಂದ ಸಂಗೀತ ಸಂಜೆ.

* ಮೂರೂ ದಿನ ನಡೆಯುವ ಕಾರ್ಯಕ್ರಮಗಳು:
ಉತ್ಸವದ ಮೂರು ದಿನ ಬೆಳಿಗ್ಗೆ 10ರಿಂದ ಕಲಾಕಾರ ಸುದರ್ಶನ ಪಟ್ನಾಯಕ ಅವರಿಂದ ಮರಳು ಶಿಲ್ಪ ಪ್ರದರ್ಶನ ಹಾಗೂ ಫಲಪುಷ್ಪ ಪ್ರದರ್ಶನ ವಾರ್ಷಿಪ್ ಮ್ಯೂಸಿಯಂ ಆವರಣದಲ್ಲಿ ಇರಲಿದೆ. ಮಾಲಾದೇವಿ ಮೈದಾನದಲ್ಲಿ ಪೇಂಟ್ ಬಾಲ್ ಆಟ ಹಾಗೂ ಬೆಳಿಗ್ಗೆ 9 ರಿಂದ ಸಂಜೆ 7ರವರೆಗೆ ಕೇವಲ ಶಾಲಾ ವಿದ್ಯಾರ್ಥಿಗಳಿಗಾಗಿ ಕೋಡಿಬಾಗದ ಜಿಲ್ಲಾ ವಿಜ್ಞಾನ ಕೇಂದ್ರದ ಆವಾರದಲ್ಲಿ ಸಂಚಾರಿ ತಾರಾಲಯ ವೀಕ್ಷಣೆಗೆ ಅವಕಾಶ ನೀಡಲಾಗುತ್ತಿದೆ.